"АрселорМиттал Теміртау" акционерлік қоғамы тауарлық газды металлургия комбинатына жеткізу туралы уағдаласты. Бұл туралы компанияның баспасөз қызметі хабарлады.
"Ақтөбе Росс" ЖШС және "АрселорМиттал Теміртау" АҚ компанияның металлургиялық комбинатына тауарлық газ жеткізу шартын жасасты. Жеткізу көлемі жылына 300 млн м3 – тен 600 млн м3-ке дейін болады, шарттың қолданылу мерзімі кемінде 15 жылға есептелген", - делінген ресми хабарламада.
Шартқа қол қою рәсіміне "АрселорМиттал Теміртау" АҚ Бас директоры Биджу Наир және "Ақтөбе-Росс" ЖШС директоры Нұргүл Кактаева қатысты.
- Металлургиялық комбинатты табиғи газға ауыстырудың және компанияның басқа да экологиялық іс-шараларын іске асырудың маңызды экологиялық әсері қоршаған ортаға зиянды шығарындылардың едәуір азаюы және комбинаттың осы көрсеткіш бойынша Батыс Еуропа өнеркәсіптік кәсіпорындарының деңгейіне шығуы болмақ. "Сарыарқа" магистральдық газ құбырына қосыла отырып, жұмысты табиғи газға көшіру бізге шығарындылардың негізгі себебі болып табылатын энергетикалық көмірді, мазутты және басқа да отын түрлерін пайдалануды азайту бойынша бірқатар жобаларды іске асыруды бастауға мүмкіндік береді, – деп атап өтті Биджу Наир.
Естеріңізге сала кетейік, 2021 жылы Қазақстан Үкіметі мен "АрселорМиттал Теміртау" өзара түсіністік туралы Меморандумға қол қойды. Компания шығарындылар мәселелерін шешуді қоса алғанда, өндірісті жаңғыртуға инвестицияларды едәуір ұлғайтуға міндеттенді. Инвестициялық келісімшарт шеңберіндегі жиынтық көлем келесі 10 жыл ішінде кемінде 3 3 млрд құрайды, бұл ретте бұл соманың көп бөлігі Келісім қолданысының алғашқы 5 жылында инвестицияланатын болады.
