Қазақстанда жыл соңына дейін қандай негізгі жобалар іске қосылатының ҚР Индустрия және инфрақұрылымдық даму министрі Бейбіт Атамқұлов Үкімет отырысында айтты, деп хабарлайды "ҚазАқпарат" ХАА тілшісі.
"Негізгі жобалардың ішінен жыл соңына дейін келесі жобаларды пайдалануға беру жоспарлануда: біріншісі - Шығыс Қазақстан облысындағы Ақтоғай КБК ("KAZ Minerals Aktogay" ЖШС) кеңейту жөніндегі жоба, бұл сульфидті кенді қайта өңдеу қуатын жылына 2 есеге 50 млн тоннаға дейін ұлғайтуға және мыс өндірісін жылына 190 мың тоннаға дейін қамтамасыз етуге мүмкіндік береді жыл. Бұл 90% өсу", - деді Бейбіт Атамқұлов.
Кәсіпорын Индустрия 4.0 элементтерін, атап айтқанда, кен өндіруден бастап өнім шығаруға дейінгі барлық тау-кен өндірістік процесінің цифрлық мониторингі жүйесін енгізгені атап өтілді. Цифрландыру өндірістік процестердің тиімділігін арттыруға және кәсіпорынның жұмысын оңтайландыруға мүмкіндік береді.
Екінші. Қазақстанда Шымкент қаласында алюминий банкасын өндіру бойынша алғашқы жоба.
"Қазір біз жылына 700 миллион алюминий банка импорттаймыз. Бұл жобаны іске асыру тамақ өнеркәсібінің ішкі қажеттілігін 65% - ға (жылына 500 млн бірлік) қамтамасыз етеді", - деп түсіндірді Бейбіт Атамқұлов.
Үшінші. Қарағанды облысында Сарыарқа ферроқорытпа зауытын салу жобасы, "Qaz Carbon" ЖШС (Қаз Карбон). Кәсіпорын жоғары сапалы ферроқорытпалар мен агломерат марганецтерін алу үшін инновациялық технологияларды пайдаланады. Шығарылатын өнім толығымен экспортқа бағытталған (АҚШ, Жапония, Корея, Түркия және Еуропа елдері).