Осакаров ауданында жоғары сапалы әк шығаратын зауыт салуға кірісті. Болашақ кәсіпорын өз өнімдерін ішкі нарыққа ғана емес, экспортқа да жеткізетін болады.
Зауытты "Saryopan Operating" ЖШС салып жатыр. Техникалық серіктес-Бельгияның Carmeuse Group трансұлттық компаниясы. Жобалық қуаттылығы-жылына 300 мың тонна дайын өнім, 600-ге дейін ұлғайтылады. 300-ге дейін жұмыс орны құрылады.
– Бұл өңірге 30 миллиард теңгеге жуық инвестиция, жаңа жұмыс орындары, жаңа технологиялар әкелетін маңызды жоба. Бірақ ең бастысы – зауыт қара және түсті металлургия, химия өнеркәсібі және басқа да салаларға қажет сұранысқа ие өнімдерді шығаратын болады. Бұл өндіріс Осакаров ауданы үшін жаңа өсу нүктесі болатынына сенімдімін, – деп атап өтті Қарағанды облысының әкімі Жеңіс Қасымбек.
Бірінші сортты әк өндіру кешені отандық қара және түсті металлургия, шыны өнеркәсібі кәсіпорындарының қажеттіліктерін қамтамасыз етеді.
- Сарыопан кен орнының ерекшшелігі мұндағы металлургиялық әк шығару мүмкіндігі бар болуы, - дейді Saryopan Operating техникалық директоры Ескендір Колдасов. - Карьер ашық түрде әзірленетін болады. Тау массасы бірден екі фракциялық өндіріске түседі. Үлкен фракция – қара металлургияға, ал кішігірім фракция – түрлі-түстіге.
Зауыт әктің үш түрін шығарады: кесек, ұсақталған және гидрленген. Негізгі тұтынушылар "АрселорМиттал Теміртау", "Қазақмыс", "Қазхром" және KAZ Minerals компаниялары болады.
Кәсіпорынды іске қосу 2022 жылдың төртінші тоқсанына жоспарланған.
Өндірістік инфрақұрылым зауытқа "Бизнестің жол картасы – 2025" мемлекеттік бағдарламасы бойынша жеткізіледі.
